ISEFLAN N TEFSUT

ISEFLAN N TEFSUT

Par Massin- Mohamed Haroun

Azul γef wid yerẓan asalu

I umezruy n tmaziγt nessen

Yal yebrir a t-id neḥyu

Ticraḍ weccment s idammen

Nekni di lḥebs nettaru

D amezruy i γef d-nḥekku

Ass-a wid ur nefhim fehmen

 

Ma γezzif laεmer a d-naru

Ayen iεeddan γef uqerru

Akken nella s yimaziγen

Ma tḥuza-yaγ daεwessu

Di Lambez ad a γ-neṭlen

Muḥal tamazγa a tt-nettu

Alamma ṣubben lecfar γef wallen

 

Sliγ ihubb-d waḍu

Γef yidurar imaziγen

Yeğğan taqbaylit tettru

Γef tmazγa ur tt-qbilen

Ṣṣber a lefḥel ur ttru

Sebblen laεmer wid yextaren

Abrid-ik ay amezruy

Later-is wid i aγ-yeddmen

Ma nemmut neγ ma nenfu

Fellam a Numidya εzizen.

MASIN HARUN

 

TAZULT-LAMBEZ, IḌ N 18 DI MAYYU 1980.